Հայկական ծագումով վրացի երգչուհի Իռու Խեչանովան դարձել է «The Voice» երաժշտական նախագծի հաղթողը, հայտնում է Грузия Online-ը։ Նրանք մանրամասնել են, որ նախագծի մեկնարկում հայտարարվել է, որ հաղթողը Վրաստանը կներկայացնի «Եվրատեսիլ 2023» մրցույթին։
Խեչանովան եղել է Candy խմբի անդամ, որը Վրաստանին երկրորդ հաղթանակը բերեց 2011 թվականին Երևանում կայացած Մանկական Եվրատեսիլ երգի մրցույթում։ Երգչուհին դարձել է նաև «Ձայն» մեգա շոուի հաղթող։
Երգչուհին թբիլիսահայ է, նա 22 տարեկան է։ Ավարտել է Թբիլիսիի կոնսերվատորիայի երաժշտական կոմպոզիցիայի բաժինը։ Այժմ Խեչանովան սովորում է Կովկասի համալսարանի հասարակայնության հետ կապերի բաժնի մագիստրատուրայում։ Ինը տարեկանից նա սկսեց ակտիվորեն մասնակցել մրցույթների։ Խեչանովային առաջին անգամ հաղթել է Անա-Բանա մանկական մրցույթում։
«Եվրատեսիլ 2023»-ը տեղի կունենա Լիվերպուլում՝ մայիսի 9-13-ը։ Վրաստանը հանդես կգա երկրորդ կիսաեզրափակչում, որը կկայանա մայիսի 9-ին։ Հայաստանը Եվրատեսիլ 2023 երգի մրցույթում կներկայացնի Բրունետը (21-ամյա Հելեն Երեմյան): «Բրյունետը» ելույթ կունենա երկրորդ կիսաեզրափակչի առաջին հատվածում:
