Մահացել է «Աստղային պատերազմներում» և «Հարրի Փոթերում» հանդես եկած Փոլ Գրանտը

Լոնդոնում մահացել է դերասան Փոլ Գրանտը, որը նկարահանվել է «Աստղային պատերազմներ» և «Հարրի Փոթեր» ֆիլմերում։ Այս մասին Sky News-ին հայտնել է դերասանի դուստրը՝ Սոֆին։

Մարտին 16-ին Գրանտին անգիտակից վիճակում գտել էին Քինգս Կրոս երկաթուղային կայարանի մոտ։ Հոսպիտալացումից հետո բժիշկները նրան միացրել են կյանքի ապահովման սարքին, սակայն նախօրեին հայտարարել են դերասանի մահվան մասին։

Գրանտը 56 տարեկան էր։ Նշվում է, որ նախկինում նա պայքարել է թմրամոլության և ալկոհոլային կախվածության դեմ:

Փոլ Գրանտը, ում հասակը 132 սանտիմետր է, խաղացել է «Աստղային պատերազմներ. դրվագ VI – Ջեդայների վերադարձը» ֆիլմում՝ էվոկների ռասայի ներկայացուցիչների դերում։ Նա կատարել է նաև գոբլինների դեր «Լաբիրինթոս» և «Հարրի Փոթերը և փիլիսոփայական քարը» ֆիլմերում։