Ռուս ռեժիսոր Սարիկ Անդրեասյանը հայտարարել է Նարինե Աբգարյանի «Սիմոն» գրքի հիման վրա նոր ֆիլմ նկարահանելու մասին, որը տպագրվել է գրողի ժողովածուում։
«Նարինե Աբգարյանի գրքի հիման վրա «Սիմոն» սերիալի նկարահանումները մեկնարկել են՝ հիանալի սցենար Սերգեյ Վոլկովի կողմից, զարմանալի դերասանական կազմ պրեմիերայի համար»,- գրել է Անդրեասյանը տելեգրամյան իր ալիքում։
Ռեժիսորը հրապարակել է լուսանկարներ, որոնցից դատելով ֆիլմում նկարահանվում են հայ և ռուս հայտնի դերասաններ, ինչպիսիք են Հրանտ Թոխատյանը, Ալիկա Սմեխովան, Ալենա Խմելնիցկայան, Օլգա Դրոզդովան, Օլգա Կաբոն, Իրինա Բեզրուկովան։
Գիրքը պատմում է մի փոքրիկ հայկական քաղաքի մասին՝ մահանում է աղյուսագործ Սիմոնը, ով երկար կյանք է ապրել, վայելել քաղաքաբնակների հարգանքը, բայց, միևնույն ժամանակ, հայտնի է եղել անթիվ սիրային արկածներով։ Նրան իր վերջին օրը ճանապարհելու համար բոլոր այն կանայք, ում նա մի ժամանակ սիրում էր, հավաքվում են Սիմոնի տանը: Եվ նրանցից յուրաքանչյուրն ունի իր պատմությունը:
Ռեժիսոր Սարիկ Անդրեասյանը հայտարարել է գրող Նարինե Աբգարյանի բեսթսելերի մոտիվներով «Մանյունյա» սերիալի 3-րդ և 4-րդ եթերաշրջանների նկարահանումների մեկնարկի մասին:
Նարինե Աբգարյանի «Մանյունյա» ինքնակենսագրական պատմվածքը Ռուսաստանում դարձել է բեսթսելլեր և թարգմանվել մի քանի լեզուներով։ Վեպն արժանացել է նաև հեղինակավոր մրցանակների՝ Աբգարյանը ստացել է «Տարվա ձեռագիր» մրցանակը և առաջադրվել հեղինակավոր «Մեծ գիրք» գրական մրցանակի։
