Սարիկ և Ղևոնդ Անդրեասյան եղբայրները Մոսկվայում ներկայացրել են Հայրենական մեծ պատերազմում հայ երաժիշտների մասին պատմող «Պատերազմ և երաժշտություն» ռազմական դրաման, սոցցանցերում հայտնել է Սարիկ Անդրեասյանը։ Նկարահանումների մեկ բլոկն ավարտված է, թողարկումը նախատեսված է 2025 թվականին, մանրամասնել է նա։
Ֆիլմի սյուժեն երեք հայ ընկերների մասին է, ովքեր մեկնում են ռազմաճակատ. «Նրանց միավորում է երաժշտությունը, որի սերը նրանք կրելու են ողջ պատերազմի ընթացքում՝ Վորոնեժում սովորելուց մինչև Բեռլինի Ռայխստագի փլուզումը»,- ասվում է նրա ուղերձում։
Ֆիլմում նկարահանվել են Պավել Պրիլուչնին, Հրանտ Թոխատյանը։ Ֆիլմի հեղինակները որպես հղումներ անվանել են «Զինվորի հայրը», «Նրանք կռվել են հանուն հայրենիքի», «Զինվորի բալլադը» ստեղծագործությունները։
