Հայկական արմատներով ամերիկացի կոմպոզիտոր Բիր ՄաքՔրին գիրք է գրել «Մատանիների տիրակալը. ուժի օղակները» սերիալի սաունդթրեքի ստեղծման մասին, X-ում հայտնել է նա։
Կոմպոզիտորի ճանապարհորդությունը» գիրքը կներառվի Mondo-ի, Amazon Studios-ի և Sparks & Shadows-ի սերիալի առաջին սեզոնի 10 սկավառակից բաղկացած ամբողջական սաունդթրեք հավաքածուի մեջ:
«Այժմ կարծում եմ, որ պետք է ավելի շատ տեղ հատկացնեմ իմ դարակում: Որպես ֆիզիկական մեդիա կոլեկցիոներ՝ ես դեռ չեմ կարող հավատալ, որ նման հավաքածու կա իմ երաժշտության համար»,- գրել է կոմպոզիտորը։
Ստեղծագործությունը լույս է տեսել 200 օրինակով՝ ստորագրված ՄաքՔրիի կողմից, ընթերցողներին հասանելի կլինի ապրիլի 26-ից։ ՄաքՔրին հայ գրող Լաուրա Էն Կալպաքյանի որդին է։ Նա հայտնի է Agents of S.H.I.E.L.D., Outlander, The Walking Dead, The Lord of the Rings սերիալների երաժշտությամբ:
2023 թվականի նոյեմբերին կոմպոզիտորը առաջադրվել էր երկու «Գրեմմի» մրցանակի համար՝ God of War: Ragnarok տեսախաղի երաժշտության վրա կատարած աշխատանքի համար։ Փետրվարին ՄաքՔրին առաջադրվել էր նաև երեք միջազգային կինոերաժշտական քննադատների ասոցիացիայի (IFMCA) մրցանակների։
