«Տաշիր» ընկերությունների խմբի նախագահ Սամվել Կարապետյանը մեկնաբանել է «Հայաստանի էլեկտրական ցանցեր» ընկերության բաժնետոմսերի մի մասը պետությանը նվիրաբերելու Հայաստանի իշխանությունների մտադրության մասին լուրերը։
«Հրապարակ» թերթը սեպտեմբերի 26-ին գրել էր, որ վարչապետ Նիկոլ Փաշինյանը մտադիր է «ՀԷՑ»-ին ստիպել գնալ նույն քայլին, ինչ արվեց 2022 թվականին Զանգեզուրի պղնձամոլիբդենային կոմբինատի (ԶՊՄԿ) հետ։
«Չէ, ոչ մի քայլ չի անում։ Խոսում են էլի, դուք էլ եք ամեն ինչի մասին խոսում»,- լրագրողի հարցին է պատասխան ասել է Կարապետյանը։
Կարապետյանը գտնվում է Հայաստանում և որպես կնքահայր մասնակցել է Մայր Աթոռ Սուրբ Էջմիածնում տեղի ունեցած Մյուռոնօրհնության արարողությանը։
Սեպտեմբերի 25-ին «Քաղաքացիական պայմանագիր» խմբակցության պատգամավոր, Ազգային ժողովի տնտեսական հարցերի մշտական հանձնաժողովի նախագահ Բաբկեն Թունյանը կոչ էր արել դադարեցնել էլեկտրաէներգիայի մատակարարման խնդիրների մասին իշխանությունների քննարկումները դիտարկել որպես բիզնեսի ազգայնացման փորձ։ Նա այսպես է մեկնաբանել «Հրապարակ»-ի օգոստոսի 24-ի հրապարակումը «ՀԷՑ»-ի ազգայնացման իշխանությունների ծրագրերի մասին։
«Հայաստանի էլեկտրական ցանցեր» ընկերության տնօրենների խորհրդի նախագահ Կարեն Դարբինյանը սեպտեմբերի 4-ի մամուլի ասուլիսում մեկնաբանել էր ընկերությունն ազգայնացնելու մասին լուրերը՝ հայտարարելով՝ «Բացառում եմ»։
«Տաշիր գրուպը» «Հայաստանի էլեկտրական ցանցեր» ընկերությունը գնել էր 2015 թվականի սեպտեմբերին։ 2024 թվականի փետրվարի 14-ին «ՀԷՑ»-ի ղեկավարությունը մամուլի ասուլիսում անդրադարձել էր հոսանքի անջատումների՝ վերջին 6 տարիների դինամիկային, առաջիկա ներդրումային ծրագրերին, 2023-ի պարտատոմսերի թողարկման և բաշխման արդյունքներին։ Ընկերության գլխավոր տնօրեն Կարեն Հարությունյանը տեղեկացրել էր, որ 2017 թվականից սկսած ընկերության կողմից ներգրավված ներդրումները կազմել են ավելի քան 680 միլիոն դոլար (ներառյալ ԱԱՀ): Նա վստահեցրել էր, որ ներդումներն ուղղված են սպառողների էլեկտրամատակարարման որակի բարձրացմանը, էլեկտրաէներգիայի հաշվառման և վերահսկման սմարթ համակարգերի ներդրմանը, նոր սպառողների՝ էլեկտրական ցանցին միացմանը։
Կարդացեք նաև՝
ՀԷՑ-ի ղեկավարությունը պատմել է Երևանի էներգոհամակարգում ներդրումներ կատարելու ծրագրերի մասին։
Սամվել Կարապետյանը խոսել է Երևանի կենտրոնում էլցանցի նոր համակարգ ստեղծելու ծրագրերի մասին։