Բջջային նոր հավելվածի շնորհիվ Երևանում շտապօգնության ծառայությունը կարողանում է 100%-ով սպասարկել ստացված ահազանգերը, և ոչ մի հաղորդագրություն անպատասխան չի մնում, հայտնել են քաղաքապետարանից։
Քաղաքապետարանից մանրամասնել են, որ նոր համակարգը նաև հնարավորություն է տալիս շտապ և անհետաձգելի բժշկական օգնության կանչի թերթիկները լրացնել էլեկտրոնային եղանակով և ներբեռնել բուժառուի տվյալները մեկ ընդհանուր համակարգում։
Քաղաքապետարանի տվյալներով՝ ընկերությունը սկսել է շահութաբեր աշխատել։ «Եթե 2023թ. հունիսին «Շտապբուժօգնություն»-ը ուներ 75 մլն դրամի պակասուրդ, ապա այս տարի մոտավորապես նույն չափով ավելցուկ ունի ընկերությունը»,- հավելել են քաղաքապետարանից:
