Երեկ՝ հունիսի 21-ին, ավտովթար է տեղի ունեցել Երևանում։ Այս մասին հայտնում է Shamshyan.com-ը։
Ժամը 14։00-ի սահմաններում Մոսկովյան և Տերյան փողոցների խաչմերուկում բախվել են Երևանի բնակիչներ՝ 52-ամյա Սամվել Բեկջանյանի վարած ավտոբուսն ու 63-ամյա Տիգրան Հեքեքյանի վարած Toyota մակնիշի ավտոմեքենան։
Վթարի հետևանքով Toyota-ի վարորդը տեղափոխվել է «Իզմիրլյան» բժշկական կենտրոն։
Կայքի տեղեկություններով՝ հիվանդանոց տեղափոխված Տիգրան Հեքեքյանը սիրված մտավորական, «Հայաստանի փոքրիկ երգիչներ» միջազգային ասոցիացիա» ԲՀԿ նախագահն է, իսկ ավտոբուսը պատկանում է «Երևանի ավտոբուս» ՓԲԸ-ին։
