Օրեր առաջ Տավուշում անհետացած ԱԺ նախկին պատգամավոր Խաչատուր Քոքոբելյանի հայրը գտնվել է։ Այս մասին քաղաքական գործիչը տեղեկացրել է Facebook-յան իր էջում։
«Սիրելի ընկերներ, հարազատներ, ծանոթ և անծանոթ մարդիկ, Ուզում եմ տեղեկացնել, որ հայրս ողջ և առողջ տանն է: Շնորհակալ եմ բոլոր բարի մարդկանց, ովքեր մեր կողքին էին` իրենց աջակցությամբ և օգնությամբ: Շնորհակալ եմ պետական համապատասխան կառույցներին իրենց ներդրած բոլոր ջանքերի համար: Վստահ եղեք, որ արդարը և բարին միշտ հաղթում են: Աստված պահապան բոլորիս ընտանիքներին, եղեք առողջ և անվտանգ»,-նշել է նա։
Ավելի վաղ ՔԿ-ից Armenia Today-ին հայտնել էին, որ Քննչական կոմիտեն Տավուշի մարզային քննչական վարչության տարածքային բաժնում նախաձեռնվել է քրեական վարույթ՝ ԱԺ նախկին պատգամավոր Խաչատուր Քոքոբելյանի հոր անհետացման դեպքով։
