Դեկտեմբերի 20-ին, ժամը 07։22-ին Երևանի Դավթաշենի կամրջին բախվել է 29 ավտոմեքենա: Այս մասին հայտնում է ԱԻՆ-ը՝ նոր մանրամասներ ներկայացնելով շղթայական ավտովթարից։
Նշվում է, որ ՃՏՊ-ի հետևանքով, ըստ նախնական տեղեկությունների, կա երկու տուժած։ Ժամը 11։20-ի դրությամբ երթևեկությունը վերականգնվել է։ Դեպքի վայրում շարունակում են աշխատել փրկարար ծառայության և ոստիկանության աշխատակիցները։
Ավելի վաղ հայտնել էինք, որ Երևանի Դավթաշենի կամրջին տեղի է ունեցել ՃՏՊ, բախվել է 27 ավտոմեքենա. տուժածներ չկան: Ավտոճանապարհը երկկողմանի փակ է:
