Աբովյան քաղաքում խոշոր հրդեհ է բռնկվել, կան տուժածներ, 70 մարդ տարհանվել է, հայտնում են ՆԳՆ փրկարար ծառայությունից։
Տեղեկացնում են, որ ահազանգն ստացել են հոկտեմբերի 9-ին՝ ժամը 21։33-ին։ Մասնավորապես, Աբովյան քաղաքի Երևանյան փողոցի թիվ 1 շենքի 4-րդ հարկի բնակարաններից մեկի շքամուտքում գազաբալոնից տեղի է ունեցել գազի արտահոսք՝ հրդեհի բռնկմամբ։
Պարզվել է, որ բնակարաններից մեկում գազաբալոնից տեղի է ունեցել գազի արտահոսք՝ հրդեհի բռնկմամբ. քաղաքացիները այրվող գազաբալոնը դուրս են բերել շքամուտք: Նշվում է, որ փրկարարները շենքից 70 քաղաքացու տարհանել և տեղափոխել են անվտանգ տարածք:
Բնակիչներ՝ Մ. Գ.-ն (ծնված 1959 թ.), Ծ. Գ.-ն (ծնված 2007 թ.) և Կ. Ի.-ն (ծնված 1962 թ.) հոսպիտալացվել են բժշկական կենտրոնում, այնուհետև բժշկական կենտրոն են դիմել բնակիչներ Ծ. Մ.-ն (ծնված 1960 թ.), Մ. Մ.-ն (ծնված 1967 թ.) և Մ. Մ.-ն (ծնված 1991 թ.), որտեղ տուժածները, ստանալով համապատասխան բուժօգնություն, դուրս են գրվել:
Հրդեհը մեկուսացվել է ժամը 22:02-ին, մարվել՝ 22:50-ին: Շքամուտքում այրվել են երեք բնակարանի մուտքի դուռ և կենցաղային իրեր:
