Մարտի 15-ին՝ ժամը 23:49-ին Ճգնաժամային կառավարման ազգային կենտրոն ահազանգ է ստացվել, որ Արարատի մարզի Եղեգնավան գյուղում տեղի է ունեցել ՃՏՊ՝ հրդեհի բռնկմամբ, հայտնում է ՆԳՆ փրկարար ծառայությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ «Volkswagen» մակնիշի ավտոմեքենան դուրս է եկել ճանապարհի երթևեկելի հատվածից՝ շրջվել և բռնկվել։
Ինչպես հայտնում են գերատեսչությունից, հրդեհը մեկուսացվել է մարտի 16-ին՝ ժամը 00։12-ին, մարվել՝ 00։30-ին: Ավտոմեքենան ամբողջությամբ այրվել է, իսկ ներսում հայտնաբերվել է 1994 թվականին ծնված Վ․ Բ․-ի դին։
