Երևան-Սևան-Իջևան ավտոճանապարհի 74 կմ հատվածում տեղի ունեցած ավտովթարի հետևանքով 1 անձ զոհվել է, 4-ը՝ տարբեր աստիճանի մարմնական վնասվածքներով տեղափոխվել բուժհաստատություն, հայտնում է Shamshyan.com-ը։
Ըստ կայքի՝ վթարը տեղի է ունեցել ժամը 15։40-ի սահմաններում․ իրար են բախվել Opel Zafira մակնիշի ավտոմեքենան և DAF մակնիշի բեռնատարը։
Վիրավորներին առաջինն օգնություն են հասել քաղաքացիները, ՀՀ ՆԳՆ փրկարար ծառայության Սևանի հրշեջ փրկարարական ջոկատի փրկարարները, «Սևան» բժշկական կետրոնի շտապօգնության բժիշկների հերթապահ խումբը։
Վթարի փաստով նախաձեռնվել է քրեական վարույթ։ Կայքը նաև հավելում է, որ ոստիկանությունն ու քննչական բաժինը պարզում են վարորդների, մահացածի և վիրավորների ինքնությունը։
