Օգոստոսի 23-ին Արմավիրի մարզի Մեծամոր-Զարթոնք ճանապարհին Hyundai Elantra մակնիշի ավտոմեքենա է այրվել, կա երկու վիրավոր, հայտնում է Shamshyan.com-ը։
Կայքի հաղորդմամբ՝ մինչ հրշեջ-փրկարարների դեպքի վայր հասնելը, վարորդը և քաղաքացիներն արել են հնարավոր ամեն բան, որ կրակը չտարածվի, այնուհետև ժամանած հրշեջները մարել են այն: Հրդեհի հետևանքով 2 մարդ տեղափոխվել է «Մեծամոր» բժշկական կենտրոն:
Դեպքի փաստով Քննչական վարչությունում նախաձեռնվել է քրեական վարույթ, պարզվում է Hyundai Elantra մակնիշի ավտոմեքենայի սեփականատիրոջ և հիվանդանոց տեղափոխվածների ինքնությունը:
