Երևանում տեղացած հորդառատ անձրևը հեղեղել է փողոցները։ Որոշ վայրերում ջրի մակարդակը բարձրացել է գրեթե մինչև մայթեր, այլ փողոցներում էլ ջրի տակ մեքենաներ են մնացել։
Armenia Today-ի թղթակցի նկարած կադրերում երևում է, թե ինչպես են Երևանի կենտրոնում մեքենաները ջրով լցված փողոցներով շարժվում։
ՆԳՆ Փրկարար ծառայությունը հայտնել է, որ Երևանում հորդառատ անձրևից հետո տարբեր վարչական շրջաններում էլեկտրական լարերի կարճ միացման, սելավատարերի և դիտահորերի խցանման, ջրալցումների վերաբերյալ ահազանգեր են ստացվել։
Գերատեսչությունը հավելել է, որ ծառայության ստորաբաժանումներն ըստ առաջնահերթության սպասարկում են գրանցված դեպքերը, որոնց մասին ահազանգերն ստացվել են ժամը 21։30-ից հետո։
