Սևան-Գավառ ավտոճանապարհին՝ Չկալովկա գյուղի մոտակայքում, տեղի ունեցած ՃՏՊ-ի հետևանքով 3 անձ է տուժել, հայտնում է ՀՀ ՆԳՆ փրկարար ծառայությունը։
Ըստ ՆԳՆ-ի՝ ավտոճանապարհի մոտ 5-րդ կմ-ին բախվել են GAZ (վարորդ՝ Գ․ Օ․, ծնված 1988 թ․) և Samand (վարորդ՝ Հ․ Ե․, ծնված 1973 թ․) մակնիշների ավտոմեքենաները։
Վթարի հետևանքով բժշկական կենտրոն են տեղափոխվել GAZ մակնիշի ավտոմեքենայի վարորդը, ուղևոր Ա․ Բ․-ն (ծնված 1999 թ․) և Samand մակնիշի ավտոմեքենայի վարորդը։ Վերջինիս մեքենայից դուրս են բերել հատուկ տեխնիկայի օգնությամբ։
