Սյունիքում ձերբակալվել են բլոգեր Միկա Բադալյանը և Աշոտ Գևորգյանը

Քննչական կոմիտեից հայտնել են, որ Սյունիքի մարզում սեպտեմբերի 6-ին և 7-ին ձերբակալվել է 7 անձ, որոնց թվում են բլոգեր Միկա Բադալյանը և Աշոտ Գևորգյանը։ 

Ձերբակալության հիմքը ՀՀ քրեական օրենսգրքի 335-րդ հոդվածի 2-րդ մասի հատկանիշներով ՀՀ ԱԱԾ-ում նախաձեռնված և ՀՀ քննչական կոմիտեին փոխանցված քրեական վարույթի շրջանակներում հանցագործություն կատարելու մեջ անմիջականորեն ծագած հիմնավոր կասկածն է։