ՀՀ ԶՈՒ գլխավոր շտաբի նախկին պետ, 3-րդ բանակային կորպուսի նախկին հրամանատար գեներալ-մայոր Գրիգորի Խաչատուրովն ազատության մեջ է, այս մասին Armenia Today-ին հայտնեց պաշտպան Հակոբ Ենոքյանը։
«Քիչ առաջ դուրս է եկել Վարդաշեն ՔԿՀ-ից։ Ամեն ինչ նորմալ է, իրեն զգում է շատ լավ»,- ասաց նա։
Դեկտեմբերի 1-ին փաստաբան Միհրան Պողոսյանը հայտնել էր, որ դատարանը որոշել էր բողոքը մասնակիորեն բավարարել և ընտրել էր այլընտրանքային խափանման միջոցների համակցություն՝ գրավ և վարչական հսկողություն։
Հիշեցնենք, որ Գրիգորի Խաչատուրովը մեղադրվում էր առանձնապես խոշոր չափերով անշարժ գույքի օրինականացման մեջ, որը ձեռք էր բերել հանցավոր ճանապարհով՝ օգտագործելով իր պաշտոնեական դիրքը։
