Այսօր վաղ առավոտից ընդդիմության կողմնակիցները շարունակում են բողոքի ցույցերը։
Ցուցարարները Ֆրանսիայի հրապարակից երթով շարժվեցին Հայաստանի կենտրոնական փողոցներով դեպի ԱԳՆ շենք։
Նրանց հաջողվեց ճեղքել ԱԳՆ շենքի մուտքի ոստիկանական շղթան։
Ինչպես հայտարարեց Իշխան Սաղաթելյանը, ցուցարարները փակել են ԱԳՆ շենքի մուտքերը, քանի որ վարչությունն այլևս չի ներկայացնում Հայաստանի շահերը։
«Այս շենքի աշխատանքային ամեն ժամ հակապետական է, դեմ է մեր ազգային շահին»,- այս մասին հայտնեց Սաղաթելյանը։
Ավելի ուշ ԱԺ ընդդիմադիր պատգամավորները փոխոստիկանապետին խնդրեցին փոխանցել, որ ցանկանում են բարձրանալ ԱԳՆ շենք։
«Խնդրում ենք բացել ճանապարհը։ Դա պատգամավորի իրավունքն է։ Մենք ժամանակ չունենք, ու մեր ժամային գրաֆիկը չենք փոխելու»,- ասաց նա։
Հիշեցնենք, որ «Դիմադրություն» շարժումն արդեն մի քանի շաբաթ է, ինչ 08։00-ից ողջ մայրաքաղաքում անհնազանդության ակցիաներ է իրականացնում: Եղանակային պայմաններից ելնելով՝ երեկ հանրահավաք չի եղել։
Հիշեցնենք, որ Երևանում Նիկոլ Փաշինյանի հրաժարականի պահանջով անհնազանդության ակցիաներ են ընթանում, որոնց ընթացքում փակվում են փողոցներ, իրականացվում են երթեր, հանրահավաքներ, ավտոերթեր դեպի մարզեր։
