«Ուժը հայրենյաց» կուսակցության նախագահ Տիգրան Արզաքանցյանի կինը, կուսակցության խորհրդի նախագահ Նատալյա Ռոտենբերգը, ով վերջերս հայտարարել էր Երևանի քաղաքապետի ընտրություններում առաջադրվելու մտադրության մասին, Instagram-ի իր էջում լուսանկարներ է հրապարակել Աջափնյակ համայնքից:
«Երևանի և երևանցիների խնդիրներին ծանոթանալը շարունակվում է։ Շրջայցի ընթացքում այցելել ենք Աջափնյակ համայնք, շփվել բնակիչների հետ», – գրել է նա։
Ռոտեբերգը նշել է, որ իր համար հատկապես կարևոր է, որ մարդիկ իրեն վստահեն իրենց խնդիրները և կիսվեն դրանով:
Նատալյա Ռոտենբերգը 2022 թվականի փետրվար-մարտ ամիսներին զբաղեցրել է Հայաստանի մարմնամարզության ֆեդերացիայի փոխնախագահի պաշտոնը: Դրանից հետո նա գրանցել է «Հայաստանի գեղարվեստական մարմնամարզության ֆեդերացիա» հասարակական կազմակերպությունը՝ հայտարարելով ոլորտը ինքնուրույն զարգացնելու մտադրության մասին։
Ավելի վաղ Armenia Today-ը հայտնել էր, որ Նատալյա Ռոտենբերգն իր Instagram-ում պատմել է, որ սկսում է ուսումնասիրել Հայաստանի մայրաքաղաքի խնդիրները․ նա այցելել էր Մետրոպոլիտեն:
1.
2.
3.
4.
