Ձեռնարկատեր Ռուբեն Վարդանյանը հայտնել է, որ չի նախատեսում Արցախում հանրային պաշտոն ստանձնել: Forbes-ին տված հարցազրույցում նա ասել է, որ ցանկանում է «գործողությունների լիակատար ազատություն ունենալ, այդ թվում՝ բարոյական տեսանկյունից»։
«Ի վերջո, Արցախը մի տարածք է, որը դեռևս չունի լիարժեք որոշակի կարգավիճակ, և այս հակամարտության պատմության մեջ ես չեմ ուզում փոխարինել Ռուսաստանին»,- ասաց Վարդանյանը։
Սակայն ՌԴ քաղաքացիությունից հրաժարվելու վերաբերյալ գործարարն ընդգծել է, որ այդ քայլին գնացել է այն պատճառով, որ հետագայում կարող է իրավիճակ ստեղծվել, երբ իրեն հարկադրեն ու ճիշտ համարեն հանրային պաշտոն ընդունելը։
«Հայաստանում օրենսդրությունն արգելում է քաղծառայողներին երկքաղաքացիություն ունենալ և ունեցվածք ունենալ արտերկրում։ Բացի այդ, պետական պաշտոն զբաղեցնելու համար պետք է որոշ ժամանակ ապրել երկրում և չունենալ այլ քաղաքացիություն»,- ասաց Վարդանյանը։
Ավելի վաղ «Հրապարակ» թերթը գրել էր Վարդանյանի՝ Արցախում առաջիկայում ղեկավար նշանակվելու մասին։
Armenia Today-ը սեպտեմբերի 1-ին հայտնել է, որ Վարդանյանը հայտարարել է Ռուսաստանի քաղաքացիությունից հրաժարվելու և Արցախ տեղափոխվելու որոշման մասին։ Նա նաև առաջարկել է ստեղծել Արցախի անվտանգության և տնտեսական զարգացման համահայկական ճակատ, որը կկարողանա միանալ ինչպես տեղի բնակիչներին, այնպես էլ նրանց, ովքեր ցանկանում են և կարող են օգնել տարածաշրջանի զարգացմանը։
