Հայաստանը հույս ունի, որ ՌԴ-ն հստակ դիրքորոշում կցուցաբերի ադրբեջանական զինուժը իր ինքնիշխան տարածքներից դուրս բերելու հարցում։ Այս մասին հայտարարել է ՀՀ վարչապետ Նիկոլ Փաշինյանը Ռուսաստանի նախագահ Վլադիմիր Պուտինի հետ երկկողմ հանդիպման բաց հատվածում։
Փաշինյանը նաև հավելել է, որ Երևանի համար շատ կարևոր է ադրբեջանական զորքերի դուրսբերումը Լեռնային Ղարաբաղում ռուս խաղաղապահների պատասխանատվության գոտուց։
ՀՀ վարչապետն ընդգծել է, որ Երևանը պատրաստ է ցանկացած պահի ապաշրջափակել տարածաշրջանային հաղորդակցությունները Ադրբեջանի հետ, սակայն պայմանով, որ Հայաստանի տարածքով անցնող հաղորդակցությունները պետք է գտնվեն Հայաստանի լիակատար վերահսկողության ներքո և շահագործվեն Հայաստանի օրենսդրության համաձայն: ՌԴ ԱԴԾ Սահմանապահ ծառայությունը պետք է վերահսկողություն իրականացնի վերոնշյալ պայմանավորվածությունների կատարման նկատմամբ, հավելել է Փաշինյանը:
Անդրադառնալով Հայաստանի և Ադրբեջանի սահմանին անվտանգության ապահովմանը՝ Փաշինյանը նշել է, որ Ռուսաստանի դիրքորոշումն այն էր, որ սահմանազատման հանձնաժողովի ձևավորումն ու աշխատանքը կդառնան սահմանային անվտանգության մեխանիզմ։
Անդրադառնալով Հայաստանի և Ադրբեջանի սահմանին անվտանգության ապահովման հարցին՝ Պուտինը նշել է, որ Ռուսաստանի դիրքորոշումն այն էր, որ սահմանազատման հանձնաժողովի ձևավորումն ու աշխատանքը կդառնան սահմանային անվտանգության մեխանիզմ: «Այն ժամանակ մենք չէինք կիսում այդ դիրքորոշումը, բայց ի վերջո որոշեցինք հենվել մեր ռազմավարական դաշնակից Ռուսաստանի մեկնաբանության վրա», — նշել է Փաշինյանը:
Ռուսաստանի նախագահ Վլադիմիր Պուտինը կարևորել է տարածաշրջանում խաղաղության ապահովմանն ուղղված ջանքերը։
«Ամենակարևորը խաղաղությունն ապահովելն ու զարգացման համար պայմաններ ստեղծելն է, այդ թվում՝ Հայաստանի տնտեսության համար, որովհետև տրանսպորտային ենթակառուցվածքի ապաշրջափակումն ու նոր երթուղիների ստեղծումը այն է, ինչի համար մենք աշխատում ենք», — նշել է Պուտինը:
Պուտինը նաև նշել է ղարաբաղյան հակամարտության կարգավորման ուղղությամբ ջանքերի անհրաժեշտությունը։ «Պետք է ժամանակին ղարաբաղյան հակամարտությունն ավարտել, գիտեմ Հայաստանի վարչապետի կամքը», — նշել է Ռուսաստանի նախագահը։
Armenia Today-ն ավելի վաղ հայտնել էր, որ Փաշինյանը, Պուտինն ու Ալիևը ծրագրում են դիտարկել Ռուսաստանի, Ադրբեջանի և Հայաստանի ղեկավարների միջև 2020 թվականի նոյեմբերի 9-ին, հունվարի 11-ին և 2021 թվականի նոյեմբերի 26-ին կնքված եռակողմ համաձայնագրերի կատարման հարցը՝ կայունության և անվտանգության ամրապնդման հետագա քայլերը, Անդրկովկասը, ինչպես նաև առևտրատնտեսական և տրանսպորտային կապերի վերականգնման և զարգացման հարցերը։
Հայաստանն ու Ադրբեջանը համատեղ հայտարարություն են ընդունել հոկտեմբերի 6-ին Պրահայում Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի, Ֆրանսիայի նախագահ Էմանուել Մակրոնի և Եվրոպական խորհրդի նախագահ Շառլ Միշելի հանդիպման արդյունքներով։
Հայտարարության համաձայն, Հայաստանը, մասնավորապես, համաձայնել է խրախուսել ԵՄ քաղաքացիական առաքելությունը Ադրբեջանի հետ սահմանին։
