Հուսով ենք՝ ռուսական կողմի խաղաղապահ ջանքերը կկարգավորեն հայ-ադրբեջանական հակամարտությունը․ Տոկաև

Հավաքական անվտանգության պայմանագրի կազմակերպության (ՀԱՊԿ) երևանյան գագաթնաժողովում Ղազախստանի նախագահ Կասիմ-Ժոմարտ Տոկաևը հույս է հայտնել, որ ռուսական կողմի խաղաղապահ ջանքերը կկարգավորեն հայ-ադրբեջանական հակամարտությունը։ Այս մասին հայտնում է РИА Новости-ն։

Տոկաևը, ելույթ ունենալով գագաթնաժողովում, աջակցել է հայ-ադրբեջանական հակամարտության դիվանագիտական ​​կարգավորմանն ուղղված քայլերին։

«Մենք բոլորս շահագրգռված ենք Հայաստանի և Ադրբեջանի միջև հարաբերությունների կարգավորմամբ: Հուսով ենք, որ ռուսական կողմի խաղաղապահ ջանքերը թույլ կտան հայ-ադրբեջանական հակամարտությունը կարգավորել բացառապես քաղաքական և դիվանագիտական ​​միջոցներով, և կողմերը կստորագրեն խաղաղության պայմանագիր»,-ասել է Տոկաևը։