«Ուրախացա». Ռոբերտ Քոչարյանն արձագանքել է Արցախի նախագահի հրաժարականին

Հայաստանի նախկին նախագահ Ռոբերտ Քոչարյանը մեկնաբանել է Արցախի նախագահ Արայիկ Հարությունյանի հրաժարականը։

«Ուրախացա»,- լրագրողների հետ զրույցում ասաց Քոչարյանը՝ պատասխանելով այն հարցին, թե ինչպես է վերաբերվում հրաժարականին։ Երկրորդ նախագահը հրաժարվեց այլ մեկնաբանություններից:

Ռոբերտ Քոչարյանն այսօր Երևանում մասնակցել է ընդդիմադիր քաղաքական ուժերի հանրահավաքին ի պաշտպանություն Արցախի։

Արցախի նախագահ Արայիկ Հարությունյանը սեպտեմբերի 1-ին հրաժարականի դիմում է ներկայացրել Հանրապետության Ազգային ժողով։ Ավելի վաղ նա հրամանագիր է ստորագրել Գուրգեն Ներսիսյանին հանրապետության պետնախարարի պաշտոնից ազատելու մասին և այս պաշտոնում նշանակել Անվտանգության խորհրդի քարտուղար Սամվել Շահրամանյանին։