Հակակոռուպցիոն կոմիտեն հայտարարել է, որ Կապանի քաղաքապետ Գևորգ Փարսյանի դեմ քրեական գործ չկա այն բանից հետո, երբ ուժայինները մեկ շաբաթ առաջ առգրավել էին քաղաքապետարանի և քաղաքապետի հոր՝ «Նորոգշինի» ընկերության սուբվենցիաների հետ կապված ֆինանսական փաստաթղթերը, գրում է «Հրապարակ»-ը՝ հղում անելով աղբյուրին:
Սակայն ինքը՝ Փարսյանը, թերթին հաստատել է, որ քրեական գործ հարուցելու որոշման մասին իրեն հայտնել են իրավապահները։
Լրատվականին հայտնի է դարձել, որ սուբվենցիոն ծրագրերի մեծ մասն իրականացնում են Կապանի քաղաքապետի հայրը՝ Ռազմիկ Փարսյանը և «տենդերները շահած» նրա հարազատները։
«Սակայն օրենսդրությունը չի արգելում քաղաքապետի հորը պատկանող ընկերությանը մասնակցել մրցույթին և հաղթել։ Եվ հարկ կլինի ապացուցել, որ մրցույթում հաղթանակն արհեստականորեն տրվել է «Նորոգշինին», և դրանում որոշիչ դեր է խաղացել քաղաքապետի անձը»,- գրում է «Հրապարակ»-ը։
Սեպտեմբերի 24-ին «Հրապարակ»-ը տեղեկացրել էր, որ իրավապահները Կապանի քաղաքապետարանից առգրավել են սուբվենցիաների հետ կապված ֆինանսական փաստաթղթեր, կապարակնքել քաղաքապետի հոր «Նորոգշին» ընկերությունը և առգրավել ՍՊԸ-ից փաստաթղթեր։ Ուժայինների գործողությունները թերթը բացատրել էր Սյունիքում ընդդիմության առաջնորդ Բագրատ Գալստանյանին «ջերմ ընդունելությամբ»։
