«Քաղաքացիական պայմանագրի» վարչության փակ նիստում կուսակցության ղեկավարությունը մերժել է Արդարադատության նախարարի բոլոր թեկնածուներին, գրել է Armlur.am-ն իր աղբյուրներին հղումով։
Կայքի տեղեկություններով՝ վարչապետ Նիկոլ Փաշինյանն ասել է, որ գոհ է նախկին նախարար Գրիգոր Մինասյանի աշխատանքից, և անհրաժեշտ է գտնել արժանի թեկնածու, որը կզբաղեցնի նրա տեղը։ Հանդիպման ընթացքում հայտարարվել է, որ մինչ ՔՊ վարչության նիստը, որը կկայանա հոկտեմբերի 15-ին, կուսակցությունից կարող են առաջադրել նոր թեկնածուների։
«Հրապարակ» օրաթերթը տեղեկացրել է, որ նախարարի թեկնածուներից մեկը՝ պատգամավոր Արուսյակ Ջուլհակյանը, քվեարկությունից առաջ ինքնաբացարկ է հայտնել, և միայն ՊՆ ղեկավար Սուրեն Պապիկյանն ու պատգամավոր Վահագն Ալեքսանյանն են քվեարկել պատգամավոր Արփի Դավոյանի օգտին։
ՔՊ մամուլի ծառայությունը հոկտեմբերի 9-ին հայտնել էր, որ Փաշինյանի գլխավորած կուսակցության վարչության նիստում քննարկվել են կադրային հարցեր։
