Հայաստանի արտաքին գործերի նախարարությունը դատապարտել է Անկարայում թուրքական TUSAŞ ավիատիեզերական կորպորացիայի գործարանում այսօր տեղի ունեցած ահաբեկչությունը։
«Ինչպես ցույց տվեց Անկարայի այսօրվա հարձակումը, ահաբեկչությունը և անմեղ մարդկանց վնասելն արդարացում չունի։ Հայաստանը, ինչպես բազմիցս ասվել է, դեմ է ահաբեկչության ցանկացած ձևի և բռնության նմանատիպ գործողությունների»,- ասվում է X սոցիալական ցանցում գերատեսչության հաղորդագրության մեջ:
Ավելի վաղ ԶԼՄ-ները հայտնել էին, որ TUSAŞ ավիատիեզերական ընկերության ավիացիոն գործարանում ահաբեկչություն է տեղի ունեցել, որը հանգեցրել է մարդկանց մահվան։ Վերջին տվյալներով՝ ահաբեկչության հետևանքով զոհվել է 4, վիրավորվել՝ 14 մարդ։