Ադրբեջանցի զինվորականները մասնակցում են Թուրքիայի Քոնիա նահանգում անցկացվող «Անատոլիական արծիվ – 2022» միջազգային զորավարժություններին:
Այս մասին հայտնում են ադրբեջանական լրատվամիջոցները՝ վկայակոչելով Թուրքիայի պաշտպանության նախարարությանը։ Նշվում է, որ զորավարժություններին մասնակցում են Ադրբեջանի ռազմաօդային ուժերի և ռազմածովային ուժերի, Մեծ Բրիտանիայի, Հորդանանի, Պակիստանի, Թուրքիայի և ՆԱՏՕ-ի ներկայացուցիչները:
Հիշեցնենք, որ ավելի վաղ Ադրբեջանի ԶՈւ զինծառայողները Թուրքիայում մասնակցել էին EFES-2022 բազմազգ զորավարժություններին:
