Հայաստանի և Ռուսաստանի հարաբերությունները պատվով կհաղթահարեն ամրության փորձարկումները։ Այս մասին հայտարարել է Երևանում ՌԴ դեսպան Սերգեյ Կոպիրկինը՝ Հայաստանում ռուս հայրենակիցների 14-րդ երկրների համաժողովում:
«Բոլորիս համար բարդ այս շրջանում Հայաստանի և Ռուսաստանի միջև հարաբերություններն անցնում են ամրության փորձարկումներ, և ես համոզված եմ, որ այդ փորձարկումը, անկախ որևէ խոչընդոտից, երկրները պատվով կհաղթահարեն։ Մենք գնահատում ենք այն դիրքորոշումը, որին մեր հայրենակիցները հավատարիմ են Ուկրաինայում հատուկ ռազմական գործողություն սկսելուց հետո։ Ձեր դիրքորոշումն, անշուշտ, հաստատում է ռուսական խաղաղության, Ռուսաստանի և արտասահմանյան Սփյուռքի միասնականության անխախտելիությունը», – Կոպիրկինի խոսքը մեջբերում է Երևանում ռուսական տան մամուլի ծառայությունը («Россотрудничество» -ի ներկայացուցչություն):
Իր հերթին, Ռուսական տան ներկայացուցչության ղեկավարի տեղակալ Վիկտորյա Դերիպասկոն նշել է, որ չնայած ժամանակակից բարդ պայմաններին, «Россотрудничество»-ն հավատարիմ է մնում Ռուսաստանի արտաքին քաղաքականության հայեցակարգի առաջնահերթ խնդիրներին և նախկինի պես ուշադրություն է դարձնում Հայաստանում հայրենակիցների կյանքին:
«Միայն 2022 թվականին «Россотрудничество» – ի ներկայացուցչության կողմից գրեթե 70 տոկոսով իրականացվել են հայրենակիցների աջակցության միջոցառումներ՝ Հայաստանում արտերկրի հայրենակիցների հարցերով կառավարական հանձնաժողովի գծով», – ասել է Դերիպասկոն:
