Միացյալ Նահանգները հանդես է գալիս Ադրբեջանի և Հայաստանի միջև ուղիղ երկխոսության օգտին, այն համարում է Լեռնային Ղարաբաղի հակամարտության կարգավորման և Բաքվի և Երևանի միջև խաղաղության բանալին։ Այս մասին ТАСС-ի փոխանցմամբ՝ հայտարարել է ԱՄՆ պետքարտուղար Էնթոնի Բլինքենը՝ երկուշաբթի Վաշինգտոնում բացելով Ադրբեջանի և Հայաստանի արտգործնախարարներ Ջեյհուն Բայրամովի և Արարատ Միրզոյանի հետ եռակողմ հանդիպումը։
«Միացյալ Նահանգները հավատարիմ է Հայաստանի և Ադրբեջանի միջև խաղաղ բանակցություններին։ Ուղղակի երկխոսությունն իսկապես ամուր խաղաղության հասնելու լավագույն միջոցն է: Եվ մենք շատ ուրախ ենք աջակցել դրան»,- ասել է ամերիկյան դիվանագիտության ղեկավարը։ Նա հավաստիացրել է նաև, որ «ԱՄՆ-ն վճռականորեն աջակցում է ինչպես Հայաստանի, այնպես էլ Ադրբեջանի ինքնիշխանությանն ու տարածքային անկախությանը»:
Բլինքենի խոսքով՝ հանդիպմանը նախատեսվում է շարունակել «շատ արդյունավետ քննարկումները», որոնք երեք կողմերն սկսել են այս աշնանը Նյու Յորքում ՄԱԿ-ի Գլխավոր ասամբլեայի 77-րդ նստաշրջանի շրջանակներում և զարգացած են «հետագա բանակցություններում»:
«Ես կարծում եմ, որ արդար է նաև ասել, որ Լեռնային Ղարաբաղի շուրջ հակամարտության 30 և ավելի տարիները հանգեցրին մարդկային և նյութական հսկայական կորուստների, խորը սպիների: Բայց այն, ինչ մենք հիմա տեսնում ենք, երկու երկրների իրական և համարձակ քայլերն են, որոնք նպատակ ունեն թողնել անցյալը և ձգտել ամուր խաղաղության: Երկու երկրներն էլ աշխատում են այդ նպատակի ուղղությամբ՝ հանուն Հարավային Կովկասի ավելի պայծառ, խաղաղ ապագայի», – Բլինքենի խոսքերը մեջբերել է Պետդեպարտամենտի մամուլի ծառայությունը:
Հայաստանն ու Ադրբեջանը համատեղ հայտարարություն են ընդունել հոկտեմբերի 6-ին Պրահայում՝ Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի, Ֆրանսիայի նախագահ Էմանուել Մակրոնի և Եվրոպական խորհրդի նախագահ Շառլ Միշելի հանդիպման արդյունքներով։ Հայտարարության համաձայն, Հայաստանը, մասնավորապես, համաձայնել է խրախուսել ԵՄ քաղաքացիական առաքելությունը Ադրբեջանի հետ սահմանին։ Առաքելությունն իր աշխատանքը կսկսի հոկտեմբերին՝ առավելագույնը երկու ամիս ժամկետով։ Առաքելության նպատակն է լինելու վստահություն ստեղծել և օգնել սահմանային հանձնաժողովներին իրենց զեկույցների միջոցով։
Նշենք նաև, որ Հայաստանի, Ադրբեջանի և ՌԴ առաջնորդները հոկտեմբերի 31-ին եռակողմ հայտարարություն են ընդունել, որում պարտավորվել են շարունակել իրականացնել 2020 թվականի նոյեմբերի 9-ին, հունվարի 11-ին և 2021 թվականի նոյեմբերի 26-ին կնքված եռակողմ համաձայնագրերերով ձեռք բերված պայմանավորվածությունները։
Հայաստանի Հանրապետության և Ադրբեջանի Հանրապետության ղեկավարները ողջունել են Ռուսաստանի Դաշնության պատրաստակամությունը` հետայսու ևս ամեն կերպ նպաստելու Հայաստանի Հանրապետության և Ադրբեջանի Հանրապետության միջև հարաբերությունների կարգավորմանը, Հարավային Կովկասում կայունության և բարգավաճման ապահովմանը։
