Թուրքիայի նախագահ Ռեջեփ Թայիփ Էրդողանը կոչ է արել Իրանին մասնակցել Զանգեզուրի միջանցքի նախագծին։
Ադրբեջանական լրատվամիջոցների փոխանցմամբ՝ նա Իրանի ղեկավարությանը կոչ է արել «միասնաբար հանդես գալ այս պատմական նախագծում, որը ճանապարհ կհարթի տարածաշրջանում խաղաղության ու ապագա քաղաքական ու տնտեսական քայլերի համար»։
Էրդողանը նաև ասել է, որ Թուրքիան «պատրաստ է քայլ առ քայլ զարգացնել հարաբերությունները, եթե Հայաստանը կատարի Զանգեզուրի միջանցքի բացման իր խոստումները»։
Ավելի վաղ Ադրբեջանը հայտարարել էր, որ սկսել է Իրանով անցնող Զանգեզուրի միջանցքի շինարարությունը։ Հոկտեմբերի 6-ին տեղի էր ունեցել Ադրբեջանի և Իրանի միջև ճանապարհային կամրջի և սահմանային ու մաքսային ենթակառուցվածքների հիմնարկեքի արարողությունը։ Նախատեսվում է, որ Իրանի տարածքով Բաքուն Նախիջևանի հետ կկապի նոր կամուրջներ։ Թեհրանն ու Բաքուն պայմանավորվել են նաև կառուցել երկաթուղային և երկաթուղային կամուրջներ, որոնք Նախիջևանը կապում են Իրանի տարածքով Ադրբեջանի հիմնական տարածքի հետ։
