Ռուսաստանի Անվտանգության խորհրդի քարտուղար Սերգեյ Շոյգուն Բաքվում հանդիպել է Ադրբեջանի նախագահ Իլհամ Ալիևի հետ, գրում է РБК-ն՝ հղում անելով Ադրբեջանի նախագահի մամուլի ծառայությանը:
Հանդիպման մանրամասներն Ալիևի մամուլի ծառայությունը չի հայտնել։
Օգոստոսի 5-ին Շոյգուն աշխատանքային այցով ժամանել էր Իրան: Թեհրանում Ռուսաստանի Անվտանգության խորհրդի քարտուղարը բանակցություններ է վարել Իրանի ազգային անվտանգության բարձրագույն խորհրդի քարտուղար Ալի Աքբար Ահմադիանի և Իրանի զինված ուժերի գլխավոր շտաբի պետ Մոհամմադ Բաղերիի հետ, ինչպես նաև հանդիպել է Իրանի նախագահ Մասուդ Փեզեշքիանի հետ:
