Ադրբեջանը պաշտպանության և ազգային անվտանգության 2025 թվականին նախատեսում է հատկացնել շուրջ 3,9 միլիարդ դոլար, հայտնում են տեղական լրատվամիջոցները՝ հղում անելով երկրի Ֆինանսների նախարարությանը։
Նշվում է, որ նախատեսված ծախսերը կկազմեն բյուջեի ընդհանուր ծախսերի 16,8%-ը։ Ըստ տեղական ԶԼՄ-ների՝ այս ցուցանիշը 6,6%-ով պակաս է 2024 թվականի համար հաստատված կանխատեսումից։
2024 թվականի բյուջեում ծախսերը նախատեսված են մոտ 4,2 միլիարդ դոլար կամ բյուջեի ծախսերի 17,9 տոկոսի չափով։
Օգոստոսի 31-ին Ադրբեջանի ԱԳՆ-ն ուռճացված էր անվանել հայկական կողմի այն պնդումները, որ Ադրբեջանի ռազմական բյուջեն կազմում է երկրի համախառն ներքին արդյունքի (ՀՆԱ) 14-15%-ը։ Մայիսին Ադրբեջանն ավելի քան 400 մլն դոլարով ավելացրել էր ռազմական ծախսերը։
Ըստ Ստոկհոլմի խաղաղության հետազոտական ինստիտուտի (SIPRI) տվյալների՝ Ադրբեջանի ռազմական ծախսերը 2023թ․ աճել են մինչև 3 միլիարդ 561 միլիոն դոլար (ՀՆԱ-ի 4,6 տոկոսը)՝ 2022 թվականի 2 միլիարդ 991 միլիոն դոլարի (3,8 տոկոսի) դիմաց:
