Հայաստանի Երրորդ նախագահ Սերժ Սարգսյանը նամակ է հղել Եվրոպական ժողովրդական կուսակցության (ԵԺԿ) նախագահ Դոնալդ Տուսկին ՝ Հայաստան-Արցախ ճանապարհի կառուցման նախագիծը դատապարտող Եվրախորհրդարանի ներկայացուցիչների հայտարարության կապակցությամբ:
Հիշեցնենք, որ նախօրեին Եվրոպական խորհրդարանում կոշտ և ոչ հայանպաստ հայտարարություն է ընդունվել Հայաստանի և Լեռնային Ղարաբաղի միջև նոր մայրուղու կառուցման վերաբերյալ։ ԵԽ պատգամավորներ, Հայաստանի և Ադրբեջանի հարցերով համազեկուցողներ Տրայան Բեսեսկուն և Զելյանա Զովկոն, ինչպես նաև տարածաշրջանային երեք երկրների՝ Հայաստանի, Վրաստանի և Հայաստանի հետ խորհրդարանական համագործակցության կոմիտեի նախագահ Մարինա Կալյուրանդը համատեղ հայտարարություն են տարածել՝ արձանագրելով, որ նախագիծը չի նպաստում վստահության, խաղաղության և հաշտեցման համար նպաստավոր պայմանների ստեղծմանը։
Այս մասին 168.am-ին հայտնել է ՀՀԿ փոխնախագահ Արմեն Աշոտյանը։
Նա նշել է, որ նամակն ուղարկվել է հաշվի առնելով, որ ՀՀԿ – ն ևս ԵԺԿ անդամ է, իսկ հայտարարության երեք հեղինակներից երկուսը ՝ Տրայան Բեսեսկուն և Ժելյան Զովկոն, Եվրախորհրդարանում անդամակցում են ԵԺԿ խմբակցությանը:
Աշոտյանն ընդգծել է նաև, որ Հայաստանի պետական կառույցները, ինչպես ԱԳՆ-ն, այնպես էլ խորհրդարանը, պետք է լիարժեք ջանքեր գործադրեն Հայաստանի շահերը տարբեր մայրաքաղաքներում պատշաճ կերպով ներկայացնելու համար:
