«Արցախի ժողովրդի կյանքին սպառնացող վտանգը խորանում է երկու գործոններով․
Զինյալ- ահաբեկիչներ՝ կրոնական ծայրահեղականներ, որոնց օգտագործում է Թուրքիան՝ իր ազդեցությունը տարածաշրջանում մեծացնելու համար»,- ասել է ՀՀ ԱԳ նախարար Զոհրաբ Մնացականյանը՝ ՌԴ ԱԳ նախարար Սերգեյ Լավրովի հետ հանդիպման ժամանակ։
Մնացականյանն ընդգծել է, որ Թուրքիայից ու Լիբիայից Ադրբեջան զինյալ-ահաբեկիչներ տեղափոխելու փաստը ոչ միայն հայկական կողմն է արձանագրել, այլև ամրագրվել և բարձրաձայնվել է միջազգային հանրության կողմից։
«Թուրքամետ զինված ահաբեկիչների օգնությունն ընդունելով՝ Ադրբեջանն ի՛նքն է դարձել Թուրքիայի ազդեցությամբ հայրենական ահաբեկչության հիմնաքար»,- ասել է Մնացականյանը։
Ի դեպ, հանդիպման առանցքային թեմաներից մեկը կդառնա Լեռնային Ղարաբաղի հակամարտության կարգավորման խնդրի քննարկումը։
2020թ. հոկտեմբերի 9-10-ը Մոսկվայում կայացած Ռուսաստանի, Ադրբեջանի և Հայաստանի արտգործնախարարների եռակողմ հանդիպմանը ձեռք բերված պայմանավորվածությունների զարգացման նպատակով կշարունակվի երկխոսությունը հակամարտության գոտում լարվածության թուլացման և առարկայական բանակցային գործընթացի վերսկսման համար պայմանների ստեղծման շուրջ՝ ԵԱՀԿ Մինսկի խմբի համանախագահների միջնորդությամբ:
