Արցախի ներքին գործերի նախարարության ոստիկանությունը հայտարարություն է տարածել՝ անդրադառնալով Բերձորում և Աղավնոյում բնակիչների կողմից իրենց տների հրկիզման դեպքերին։
«Հաշվի առնելով, որ վերջին ժամանակներս հանրային լայն հնչողություն է ստացել Բերձոր քաղաքում և Աղավնո համայնքում բնակիչների կողմից իրենց տների հրկիզման դեպքերը, Արցախի Հանրապետության Ներքին գործերի նախարարության ոստիկանությունն իրազեկում է, որ սույն թվականի օգոստոսի 14-ից մինչև 24-ն ընկած ժամանակահատվածում արձանագրված 13 տների հրկիզման դեպքերով նախապատրաստված բոլոր նյութերով քրեական գործերի հարուցումը մերժվել է արդարացման հիմքերով` հրկիզողների արարքներում հանցակազմի բացակայության կապակցությամբ»։
Նշվում է, որ վերջիններիս նկատմամբ քրեական հետապնդում չի իրականացվում։
