Այս գիշեր՝ ժամը 02:00-ից մինչև լուսաբաց, ադրբեջանական ԶՈւ-ն ակտիվորեն կրակ է բաց թողել արցախյան Կարմիր Շուկա գյուղի ուղղությամբ, այդ թվում՝ գնդացիրից։ Այս մասին Armenia Today-ին տեղեկացնում են Կարմիր Շուկայի բնակիչները:
Ըստ տեղեկությունների՝ համայնքում հակառակորդի կրակոցների հետևանքով վնասվել է տներից մեկի տանիքը, պատուհանը, բայց զոհեր և վիրավորներ չկան։
Armenia Today-ին ՀՀ ՊԲ մամուլի ծառայությունից մեկնաբանություն չտվեցին, իսկ Արցախի ՊԲ-ի հետ կապ հաստատել չհաջողվեց: Կարմիր Շուկայի համայնքապետ Նարեկ Աթայանը հրաժարվեց տեղեկություն տալ, ասաց՝ հետևել պաշտոնական լրահոսին:
