Արցախի և Ադրբեջանի ներկայացուցիչները մեկ շաբաթվա ընթացքում երկրորդ հանդիպումն են անցկացրել

Արցախի և Ադրբեջանի ներկայացուցիչները մեկ շաբաթվա ընթացքում երկրորդ հանդիպումն են անցկացրել։ Քննարկվել է Լաչինի միջանցքի ապաշրջափակման հարցը։ Այս մասին «Արցախպրես»-ին հայտնել են հանդիպմանը մասնակցած ռուս խաղաղապահների հրամանատարությունից։

Կողմերը քննարկել են նաև էլեկտրաէներգիայի և գազի մատակարարման խնդիրները, ինչպես նաև Բաքվի ներկայացուցիչների կողմից Դրմբոնի և Կաշենի հանքավայրերում բնապահպանական մոնիթորինգի հնարավորությունը։

Ադրբեջանական ԶԼՄ-ների հաղորդմամբ՝ ադրբեջանցի պատգամավոր Ռամին Մամեդովը նշանակվել է Ստեփանակերտի հետ բանակցությունների պատասխանատու։

Հիշեցնենք, որ Արցախի և Ադրբեջանի ներկայացուցիչների նախորդ հանդիպումը ռուս խաղաղապահների հրամանատարության մասնակցությամբ տեղի էր ունեցել փետրվարի 24-ին։