Ադրբեջանի պաշտպանության նախարարությունը հերթական ապատեղեկատվությունն է տարածել ամրաշինական աշխատանքներ իրականացնելու մասին, հայտնում է Արցախի ՊՆ-ն։
«Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները սեպտեմբերի 6֊ին ամրաշինական աշխատանքներ են կատարել Բերձորի ուղղությամբ, ինչն իբր թե կանխվել է ադրբեջանական ԶՈւ գործողությունների արդյունքում, հերթական ապատեղեկատվությունն է»,- ասված է հաղորդագրությունում։
Սեպտեմբերի 5-ին Արցախի Պն-ն նույնպես հերքել էր Բաքվի հաղորդագրությունը, թե իբր ՊԲ ստորաբաժանումներն ամրաշինական աշխատանքներ են կատարել Մարտունու շրջանում, ինչն իբր կանխվել է ադրբեջանական ԶՈւ գործողությունների արդյունքում։
Բաքուն Արցախը շրջափակել է 2022 թվականի դեկտեմբերի 12-ից։ 2023 թվականի հունիսի 15-ին Ադրբեջանն արգելել է մարդասիրական օգնության առաքումը Լաչինի միջանցքով, իսկ ավելի ուշ այնտեղ բետոնե պատնեշներ տեղադրել:
