ԱՄՆ նախագահի թեկնածու Վիվեկ Ռամասվամին Ադրբեջանին մեղադրել է Լեռնային Ղարաբաղի հայերի նկատմամբ դաժանությունների մեջ, հաղորդում է Ամերիկայի Հայ դատի հանձնախումբը (ANCA) X-ում։ Այս մասին նա հայտարարել է Թակեր Կարլսոնին տված հարցազրույցում։
«Այն, ինչ տեղի է ունենում, դաժանություն է. Նկատի ունեմ, որ մոտ 100-120.000 հայեր, ովքեր քրիստոնյա են, վերադարձել են երկիր մի շրջանից, որը վաղուց տուն են կոչել: Շատ վայրագություններ դեռևս չեն լուսաբանվում արևմտյան մամուլում»,- ասել է Ռամասվամին:
Սեպտեմբերի 19-ին Ադրբեջանը լայնամասշտաբ հարձակում էր սկսել Արցախի Հանրապետության նկատմամբ։ Ռազմական ագրեսիայի հետևանքով, վերջին տվյալներով, 200 զոհ (10 խաղաղ բնակիչ, այդ թվում՝ 5 երեխա) և 400 վիրավոր (40 խաղաղ բնակիչ, այդ թվում՝ 13 երեխա) կա։ Սեպտեմբերի 29-ին Արցախի ՆԳՆ-ն հայտնել էր, որ փրկարարներն Ստեփանակերտի բենզինի պահեստի պայթյունի վայրից 170 աճյուն և մասունք են հայտնաբերել: Վերջին տվյալներով՝ ԼՂ-ից բռնի տեղահանված անձնաց թիվը կազմում է 100․632։
