Հայկական Fly Arna ավիափոխադրողն ուղիղ չվերթեր կիրականացնի դեպի Մոսկվայի «Շերեմետևո» օդանավակայան, հայտնում է ավիաընկերության մամուլի ծառայությունը։ Թռիչքների մեկնարկը կտրվի հունվարի 21-ից։
Երևանից Մոսկվա չվերթեր կիրականացվեն շաբաթական 4 անգամ՝ երեքշաբթի, չորեքշաբթի, ուրբաթ և շաբաթ օրերին։ Հետադարձ թռիչքները կիրականացվեն երեքշաբթի, չորեքշաբթի, ուրբաթ և կիրակի օրերին։
Fly Arna (Հայաստանի ազգային ավիաուղիներ) հիմնադրվել է 2021 թվականի սեպտեմբերին։ Հիմնադիրներն են Հայաստանի պետական շահերի հիմնադրամը (ANIF) և Air Arabia խումբը։ Այս տարվա հուլիսի 4-ին Fly Arna-ն առաջին չվերթն է իրականացրել դեպի Հուրգադա, ապա Շարմ էլ Շեյխ, ինչպես նաև թռիչքներ է իրականացնում դեպի Թբիլիսի, Սոչի և Մոսկվայի Դոմոդեդովո օդանավակայան։
