Եղեգնաձորում գազազած շունը 4 երեխայի է կծել․ երեխաները տեղափոխվել են Երևան

Օգոստոսի 30-ին Եղեգնաձորի բժշկական կենտրոնի տնօրենից ահազանգ է ստացվել, որ նույն հասցեում գտնվող ԲԿ-ի բակում կատաղած շունը կծել է քաղաքացիների, հայտնում է ՀՀ ՆԳՆ փրկարար ծառայությունը։

«Պարզվել է, որ չորս քաղաքացի (Գ․ Վ․ (ծնված 2013 թ․), Ս․ Թ․ (ծնված 2012 թ․), Հ․ Ա․ (ծնված 2020 թ․), Վ․ Վ․ (ծնված 2018 թ․)) շան կծածով տեղափոխվել են Եղեգնաձորի ԲԿ, որտեղ նրանց առողջական վիճակը գնահատվել է բավարար։ Տուժածները ստանալով առաջին բուժօգնություն՝ տեղափոխվել են քաղաք Երևան»,- ասված է հաղորդագրության մեջ։