Երևանցի գինեգործ Արփինե Մանուկյանն արժանացել է Dom Pérignon Golden Vines MW հեղինակավոր կրթաթոշակը, հայտնում է Gerard Basset հիմնադրամի կայքը։
«MW սերտիֆիկատն Արփինեին թույլ կտա դառնալ օրինակ և խորհրդատու այն կանանց համար, ովքեր հետաքրքրված են գինեգործությամբ՝ հերքելով նրանց նկատմամբ գենդերային կողմնակալությունը, ինչպես նաև սկսել ավելի էլեգանտ ոճով սեփական գինին արտադրել Հայաստանում, քանի որ այնտեղ ավանդաբար արտադրվում է»,- ասվում է հաղորդագրության մեջ։
Հիմնադրամը նշել է, որ Հայաստանում գինեգործության ոլորտում տղամարդիկ գերակշռում են, և Մանուկյանը «գենդերային խոչընդոտների» է հանդիպել:
Գինեգործի խոսքով՝ իր որակավորումներն ու կարծիքը մշտապես կասկածի տակ են դրվել և նսեմացվել տղամարդկանց կողմից, ովքեր շատ դեպքերում քիչ փորձառու են եղել։
Մանուկյանը դարձել է Հայաստանում առաջին մարդը, ով ստացել է WSET դիպլոմ և Weinakademiker որակավորում։ Սովորել է Գերմանիայի Գայզենհայմի համալսարանում և ստացել է մագիստրոսի կոչում գինեգիտության մասնագիտությամբ, ինչպես նաև մասնակցել է բերքահավաքի աշխատանքներին Իտալիայում, Գերմանիայում, Արգենտինայում և ԱՄՆ-ում։
Գինեգործությունը Հայաստանում հազարամյակների պատմություն ունի։ Ընդ որում՝ ժամանակակից պատմությունն սկսվել է միայն վերջերս, մոտ 10-15 տարի առաջ։ Եվ այս կարճ ժամանակահատվածում շատ ընկերություններ կարողացել են արագ վերակառուցվել և արտադրել ինքնատիպ գինիներ՝ գրավիչ գներով։ Simpe wine news-ը հայտնել է հայկական գինիների ակնառու օրինակների մասին։
