Նյու Յորքի հանրային գրադարանն (NYPL) իր հումանիտար հետազոտությունների կենտրոնն անվանակոչվել է ամերիկահայ պատմաբան և «Ավրորա» մարդասիրական նախաձեռնության համահիմնադիր Վարդան Գրեգորյանի անունով, հայտնում է գրադարանի մամուլի ծառայությունը։
«Վարդան Գրեգորյան հումանիտար հետազոտությունների նոր կենտրոնը կոչված է առաջ մղելու գրադարանի առաքելությունը՝ ներգրավելու, ոգեշնչելու, աջակցելու և համախմբելու գիտնականների աճող համայնքն ամբողջ աշխարհում, որոնք բոլորն էլ Գրեգորյանի առաջնահերթություններն էին 1981-89թթ.»,- ասվում է հաղորդագրության մեջ։
Գրադարանի գործադիր տնօրեն Էնթոնի Մարքսը Գրեգորյանին անվանել է Նյու Յորքի գրադարանի «փրկիչը»: Նյու Յորքի «Քարնեգի» կորպորացիան, իր հերթին, հիշեցրել է, որ Գրեգորյանի ղեկավարությամբ գրադարանը վերականգնվել է տասնամյա ֆինանսական անկայունությունից հետո:
Հայ պատմաբանը ամուր հարաբերություններ է զարգացրել քաղաքային կառավարությունում և բարեգործական ոլորտում, ինչը հանգեցրել է գրադարանի նվիրատվությունների, ինչպես նաև գիտահետազոտական կենտրոնների համադրողների և փորձագետների ներդրումների զգալի աճի:
«Եթե դուք ճանաչում էիք Վարդանին, ապա գիտեք, որ նա սիրում էր գրադարաններ, ինչպես նախկինում Էնդրյու Քարնեգին: Վարդանը դրանք անվանել է օազիս նորացված երևակայության և մտքի զարգացման համար, անհրաժեշտություն յուրաքանչյուր համայնքի համար»,- ասել է Լուիզ Ռիչարդսոնը, Նյու Յորքի Կարնեգի կորպորացիայի նախագահ, որի պաշտոնը Գրեգորյանը զբաղեցրել է 1997-2021 թվականներին:
Գրիգորյանը մահացել է 2021 թվականի ապրիլին։ Նա արժանացել է բազմաթիվ ակադեմիական կրթաթոշակների, այդ թվում՝ դրամաշնորհներ Ջոն Սայմոն Գուգենհայմի հիշատակի հիմնադրամի, Ամերիկյան ուսյալ հասարակությունների խորհրդի, սոցիալական գիտության հետազոտական խորհրդի և ամերիկյան փիլիսոփայական ընկերության կողմից:
