2024 թվականին խմելու ջրի սակագինը սպառողների համար չի թանկանա, հայտնել է ՀՀ հանրային ծառայությունները կարգավորող հանձնաժողովը՝ նշելով, որ այսօրվա նիստում սահմանվել են «Վեոլիա Ջուր» ՓԲԸ-ի կողմից բաժանորդներին խմելու ջրի մատակարարման և ջրահեռացման (կեղտաջրերի մաքրման) ծառայությունների մատուցման 2024 թվականի սակագները:
Նշվում է, որ 2024 թվականի համար սոցիալապես անապահով բաժանորդների համար 2024 թվականին սակագինը կմնա անփոփոխ՝ 180 դրամ, իսկ մյուս բաժանորդների համար գործող սակագինը կկազմի՝ 205,992 դրամ՝ 2,427 դրամով ցածր գործող սակագներից։
Հիշեցնենք, որ 2023 թվականի համար ՀՀ կառավարությունը տրամադրել էր սուբսիդիա և սպառողները (բացի սոցիալապես անապահովներից) ներկայումս վճարում են 200.47 դրամ/խմ:
Քննարկումների արդյունքում սուբսիդավորումը կշարունակվի, և ապառողները 2024 թվականին կշարունակեն վճարել նույն գումարը՝ 200.47 դրամ:
Նոյեմբերի 28-ի ասուլիսում ՀԾԿՀ նախագահը ևս հայտնել էր, որ սպառողների համար ջրի սակագինը կշարունակի մնալ 200 դրամ։
