Wizz Air ավիաընկերությունը թռիչքներ կիրականացնի Բուդապեշտ-Երևան-Բուդապեշտ երթուղով, հայտնում է «Զվարթնոց» օդանավակայանի լրատվության բաժինը։
Թռիչքները կգործարկվեն հունիսի 17-ից՝ շաբաթական երկու չվերթ հաճախականությամբ՝ յուրաքանչյուր երկուշաբթի և ուրբաթ օրերին: Ավիատոմսերի համար պետք է դիմել wizzair.com կայք։
2023թ․ հունվարի 26-ին հայտնել էինք, որ «Wizz Air»-ը նոր ուղղություններով թռիչքներ կիրականացնի միանգամից չորս նոր ուղղությամբ՝ Դորտմունդ-Երևան-Դորտմունդ, Սոֆիա-Երևան-Սոֆիա, Կատովիցե-Երևան-Կատովիցե, Պրահա-Երևան-Պրահա։
