Հայաստանի տարածքում կան մառախլապատ և փակ ավտոճանապարհներ, տեղեկացնում են ՆԳՆ փրկարար ծառայությունից և Ճանապարհային դեպարտամենտ հիմնադրամից։
ՆԳՆ-ից հայտնել են, որ փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ տանող ավտոճանապարհը, իսկ Սյունիքի մարզի բարձրադիր գոտիների ավտոճանապարհներին տեղ-տեղ առկա է մերկասառույց։
Ճանապարհային դեպարտամենտ հիմնադրամից հավելել են, որ դեկտեմբերի 24-ին՝ ժամը 09:00-ի դրությամբ, Արտաշատի տարածաշրջանում մառախուղ է, տեսանելությունը՝ 200 մետր։
