«Արսենալը» երկկողմանի համաձայնությամբ խզել է պայմանագիրը կիսապաշտպան Հենրիխ Մխիթարյանի հետ, հաղորդում է լոնդոնյան ակումբի պաշտոնական կայքը:
Dear friends,I’m delighted to announce that I have signed a permanent contract with the #giallorossi 💛❤️🐺👊🏻 Firstly,…
Опубликовано Henrikh Mkhitaryan Понедельник, 31 августа 2020 г.
Ֆուտբոլիստը մշտական հիմունքներով պայմանագիր է կնքել իտալական «Ռոմայի» հետ։ Նախորդ ամռանը Մխիթարյանը «Արսենալից» վարձավճարով տեղափոխվեց «Ռոմա»։ 2019/20 մրցաշրջանում կիսապաշտպանը մասնակցել է Իտալիայի առաջնության 22 հանդիպման, խփել է 9 գոլ, կատարել է 5 գոլային փոխանցում:
Thank you, @HenrikhMkh
And good luck with @ASRomaEN 👊
— Arsenal (@Arsenal) August 31, 2020
31-ամյա կիսապաշտպանը «Արսենալի» խաղացող է դարձել 2018 թվականին «Մանչեսթեր Յունայթեդից» Ալեքսիս Սանչեսի հետ փոխանակումից հետո: Լոնդոնի «Արսենալի» կազմում նա մասնակցել է 39 հանդիպման և խփել 8 գնդակ։ Մինչ այդ Մխիթարյանը հանդես էր գալիս Դորտմունդի «Բորուսիայում», Դոնեցկի «Շախտյորում» և «Մետալուրգում», Երևանի «Փյունիկում»:
Կիսապաշտպանը Հայաստանի քառակի չեմպիոն է և Ուկրաինայի եռակի չեմպիոն։ «Մանչեսթեր Յունայթեդի» կազմում Մխիթարյանը նվաճել է Անգլիական լիգայի գավաթը, Անգլիայի սուպերգավաթը և Եվրոպայի Լիգան: Ֆուտբոլիստը Հայաստանի հավաքականի ավագն է և լավագույն ռմբարկուն։
