Շախմատի աշխարհի նախկին չեմպիոն Անատոլի Կարպովը գտնվում է ծայրահեղ ծանր վիճակում։ Այս մասին տեղեկացնում է Московский комсомолец-ը։
Կարպովը, ըստ աղբյուրի, միացված է թոքերի արհեստական օդափոխության սարքին, բժիշկները պայքարում են գրոսմայստերի կյանքը փրկելու համար։
Հոկտեմբերի 29-ին 71-ամյա Անատոլի Կարպովը Մոսկվայի Պետդումայի շենքի մոտ անհաջող վայր է ընկել։ Նա շտապ հոսպիտալացվել է։
Անատոլի Կարպովը շախմատի աշխարհի 12-րդ չեմպիոնն է (1975-1985), աշխարհի եռակի չեմպիոն (1975, 1978, 1981), ՖԻԴԵ-ի վարկածով աշխարհի եռակի չեմպիոն (1993, 1996, 1998), ԽՍՀՄ հավաքականի կազմում աշխարհի թիմային առաջնությունների կրկնակի (1985 և 1989), օլիմպիադաների վեցակի (1972, 1974, 1980, 1982, 1986, 1988) հաղթող, ԽՍՀՄ եռակի չեմպիոն (1976, 1983, 1988), ՌԽՖՍՀ չեմպիոն (1970)։
