Պատանի սուսերամարտիկները 2 ոսկե և 3 բրոնզե մեդալ են նվաճել Վրաստանի Թբիլիսի քաղաքում անցկացված միջազգային մրցաշարերում։ Այս մասին հայտնում է ՀՀ ԿԳՄՍՆ-ն։
Թբիլիսիում տեղի է ունեցել սուսերամարտի պատանիների միջազգային մրցաշարը, ինչպես նաև Մ14 տարեկանների Եվրոպայի գավաթի առաջնությունը, որոնց մասնակցել են նաև Հայաստանի ներկայացուցիչները:
Ճկասուսեր զենքաձևից Հայաստանը ներկայացրել են պատանիների և մինչև 14 տարեկանների հավաքականները։
Պատանիների հավաքականի կազմում միջազգային մրցաշարի հաղթող է ճանաչվել Արսեն Դադայանը, իսկ Գագիկ Մորիկյանը և Սերգեյ Սեթոյանը զբաղեցրել են երրորդ հորիզոնականը՝ արժանանալով բրոնզե մեդալների:
Մ14 տարեկանների Եվրոպայի գավաթի առաջնությունում հայ սուսերամարտիկները 1 ոսկե և 1 բրոնզե մեդալ են նվաճել: Առաջին հորիզոնականը զբաղեցրել է Հակոբ Մանուկյանը, իսկ պատվո հարթակի երրորդ աստիճանին է կանգնել Նաիրի Զալիբեկյանը։
